قصيدة جميلة

ليه تروح ترحل تسيبني
حتى من دنياي تغادر
تقسو من قلبك عليا وبيني بينك
روعة الشوق والمشاعر
بعدك الدنيا الجميلة والفراشات والأزاهر
والعصافير البتصدح في الصباحات البواكر
كلها تسألني عنك
عارفة انك انت مني واني منك
منتظراك وحاتك
حتى لو في لحظة تلقاك لمحة عابر
أحلى طيف تبقى ليها انت
كم كتير فتشت عنك
وكم سألت وكم حكيت ليك
ويا ما قلت لي أحلى دنيا نعيشة باكر
الورود الزاهية لونه وباينه في أديك جواهر
زيي كم حزنت لبعدك
راجية ترجع توفي وعدك يبقى كوني معاك ساحر
لوحة من حدقات عيونك
وبسمة من وضاح جبينك هو حبي الليك طاهر
زكرياتك والأماسي وقولك المعسول عوافي
خلدت جواي غرامك
بددت كل المآسي
وشوقك الغرقني بحر
وارتحالك في حواسي
والوعود البينا كانت شيء أساسي
عمري ما عشتك لبكرة أنت ماضي وأحلى حاضر
عود حبيبي في انتظارك كلي متوهج غرام
أقضي ليلي الطال مساهر
حتى في غفوت عيوني ببقى في لحظة هيام
أرجع يا منى الروح نبني جنة وئام
نبقى فيها اتنين برانا
وتتحقق كل أحلامنا البواكر

قصيدتك مشاء الله عليها

صحي والله