هسي دابي عرفت قيمتك
بعد ما غبت ومشيت
دابي حسيت اني ضايع
زي غريب ما عندو بيت
السماح لو ما بتسامح
حتى لو لسواي هويت
كنت قايل اني بعدك
حأعيش مرتاح وعادي
حأحب زولا سواك
وليه حاولف فؤادي
لما سبتك جد فقدتك
بيك كرهت زمان عنادي
كيف اسيب زولا شبيهك
كيف لزول زيك اعادي
الحصل بالجد وراك
انتهيت انا انتهييييت
تاني يوم من بعدي عنك
الكلام بقى لي غريب
اما تالت يوم كأنو
لا شروق لا فيهو مغيب
خلي رابع يوم دا ساكت
مر كلو اسى ونحيب
فقت خامس يوم وفيهو
وعييت على حالي الصعيب
لما شفتك ما معاي
الدموع مرقت بكيت
هسة وين بالله انت
هسة جنبك زول سواي
ولا قلبك لسة ليا
ولا قال للريد كفاي
ما مهم سامحني اول
لو معاي لو ما معااي
لو معاي انا لسة عاشقك
لسة ريدك في دماااي
لو لقيت غيري وعشقت
للفرح ليك ما ابيت
السماح لو ما بتسامح
حتى لو لسواي هويت
السماح لو ما بتسامح
حتي لو لسواي هوييييييييييييييت
موضوع: احلى اغنية/طه سليمان ....عرفت قيمتك....alsma7 
الأحد مايو 20, 2012 12:20 am
