عاشق الخلود

زائر

اقتباس :

عــاشــق الخلــود

بحـب النـاس..

وبعشق زهرة الاحساس..

وكت ما تشـيل وتتـفـتح..

تموع والنسمه فوق أعطافهـاتترنح..

وترقـص في صدور النـاس..

فرح أنواره تشهـق مـآس..

ونسمه رقيـقه تسرح حلوة الانفاس..

بحب النـاس..

ودنيا النـاس..

وناس النـاس..

بحـب النيـل..

ومويـةالنيـل..

ولماالقمره تنزل فـي ضفافـه الخضراء تتمشـى..

بختك جـوه في المنديـل..

وأرشك بيـه كم رشـه..

عشان النيـل..

أبونا الصآحي قلبه دليـل..

ينـور للفـرح قنديـل..

ويفتـح صدره للقشـه..

صغيره ومدهشـه وهشـه..

تعوم فـي موجه مابتخشـى..

ومن رعشـاته تضفر للنجوم اكليل..

عشـان النيـل كريم وأصيل..

بحـب النيـل..

ومويـة النيـل..

وبنـت النيـل..

ونيـل النيـل..

بحـب الليـل..

وسـر الليـل..

ولما الاهه تتمـدد..

وتتمـرد..

وتاخـد من غنانا تشيـل..

وتحلـف تاني ماتحمـل ندى الاحزان..

بحـب الليـل هوى الفنـان..

ومكمـن سره..مصدروحيـه..قلبـه البـي الأمل مليـان..

بحـب الليـل غنـا وتلحين..

ونمـة آهه من مسكين..

عشـق وأحبابه غابـوا سنيـن..

بحـب الليل ضفائر عزه بنت الريح..

بحـب الليـل هوى وتبريح..

وصوت ذكار يستغفر..

ويختم ليله بالتسبيـح..

بحـب الليـل..

وفـن الليـل..

ونـاس الليـل..

ودنيـا الليـل..

بحـب الشـارع الممـدود مـن النجمـه..

وعيـون الشمس طالعـه شروق..

بحـب القنجـه والدمـور وريحـة الزحمه وسط السوق..

بحـب أخواني ساعـة يلحقـوا المضيـوف..

سوآقـي القدره ماشـه تسـوق..

وناس الشارع الممدود بعد وقفـه..وسلام وكلام..

يسوقـوا الدنيا لي قدام..

تشاهد في العيون أحلام..

وناس مرسومـه بالآلآم..

وناس سرحانه .. حب وغرام..

وناس غرقانـه في الاوهـام..

ومآشه الدنيا.. لي قدام..

بحـب الشـارع المليـان بريحـة النـاس..

بحـب الطيبـه والاينـاس..

بحـب الشـارع.. الانسـان..

طويـل.. ممدود.. قديم من سآلف الازمان..

بحـب الناس تكافح والرزق ميـزآن..

بحـب القدره والامكان..

بحـب القدره والامكان..

بحـب الريـف..

ونـاس الريـف..

ولما الصيـف يزوره وفي دروبـه يقيـف..

بنادي الغيمه تتهآدى..

وفوق وديانه تتمآدى..

تغنـي وترسل أنشادها..

بحـب الريـف..

عشان انسانه شهم شريـف..

عصآمي.. وقلبه حر ونضيـف..

بحـب الريـف..

وطعـم الريـف..

وناس الريـف..

وريـف الريـف..

بحـب الدار..

ونـاس الدار..

ولما الزول تحرقـه العطشه-يوما"-زي سمـوم النار..

يناغم نآسـه [ندعوك للتسجيل في المنتدى أو التعريف بنفسك لمعاينة هذه الصورة]ياسـآتـر وياستـآر)..

تجيـه الشربـه هاشـه وباشـه-هاك آزول..

ندآوة الطيبـه تقدح تسقـي وتنقـع المعسـول..

كلامـن بالعفاف مشمـول..

وذوقـن خآتـي من القـول..

عيونـن ..آآه..

سلآمـن.. آآه..

كلآمـن ..آآه..

تشيلن فـي الضميـر تذكـار..

تغني جمالن المنحـوت من الأنوار..

وتكتـب فيهـن الأشعـار..

بحـب الدار ..

وأهـل الدار..

ودارالدار..

بحـب النـاس.. ودنيـا النـاس..

بحـب النيـل.. وبنـت النيـل..

بحبـك ياترآب وطني وبحـب ماضيـك..

وبعشـق حاضرك الزآهـي..

وبحـب العيشـه في واديـك..

وبعشـق فيـك عيـون.. وعيـون..

وتـآني عيـون..

كمـان وعيـون..

عشـان السمره فـي السمحيـن بعيـش مفتـون..

أنا المجـروح وما محـزون..

بغنـي جمـالك الزاهـي..

وأقـول ياربـي ياالآهـي..

يصـونك وانـت متوشـح..

خصـال الطيبـه والأمجـاد..

تدوم أيامك الخالدات وتصبح في الزمان أعياد..

وأنـت تكـون..

مجال الرفعـه..ضـل الدفعـه للمحـزون..

وأشاهـد ناسك الحلويـن وأكون معيـون..

أزآي عيـون..

دوآي عيـون..

وأبقـى العاشـق المرهـون..

لكـل جميلـه فيهـا عيـون..

أنا السمـونـي فيـك بالشاعـر المجنـون..

بحبـك ياوطـن..

يانيـــــــل..

بحـب الريــف..

بحـب الليـل..

بحـب الدار..

بحـب النـاس..

بحـب النيـل..

وأعيـش ممنـون..

شاعر العيون:عبدالله النجيب