قصه ريده بين اتنين بين مسلم ومسيحيه

[size=21]قصه ريده بين اتنين بين مسلم ومسيحيه
احلف ليها بالاسلام وتحلف بالمسيحيه
ولي عقيده مابتتفات وديني كمان عزيز ليا
الا الريده مابتعرف قيود واديان سماويه
وتدخل في قلوب الناس زي افراح ربيعيه
انا شاب اسمر من السودان اصيل وقبيلتي جعليه
حفيد ناس ملو التاريخ قصص وامجاد بطولية
في أقصي الشمال شبيت هناك في قريه عاديه
اصلي واصوم واهدي الناس وجيت من اسره دينيه
صدري عريض سدر تربال وكل سماتي ريفيه
وعندي خشونه في صوتي وكمان معروفه أيديا
اجي والقاك بلا ميعاد سماتي فكري ريفيه
انتي مابتختلفي عن ناسنا الهناك في قريه عاديه
وفيها النيل وفيها نخيل وساقيه تنوح وطوريه
عي(محجوب) زي بنات بلدي وافراحك بطوليه
وبس لكن خضر عي(محجوب) ونحن عيونا خمريه
وصوتك انتي لما ينوح صوت اذان وقمريه
وفي خديك زهور نايرات مفتحه منقه هنديه
سألتيني عن السودان والخضره الطبيعيه
عن الابنوس وسن الفيل وغابات استوائيه
قالوليك وحوش ناسنا بياكلو الميته والحيه
انتي جيتي تحققي الرؤيه تشوف ادله مرئيه
سريع اتمازجت روحنا فاضت ريده وحنيه
أتبادلنا بالاحضان ودبتي هوي وغرام تيه
أتفارقنا من يومداك وما اتواعدنا بالجيه
شفتا الناس يشوفوني يقولو بحب خواجيه
شفت الناس يشوفوني يقولو بريد مسيحيه
بكره يسمعو ناسنا بالقصه قصه حب مسيحيه.
قصه ريده بين اتنين بين مسلم ومسيحيه
احلف ليها بالاسلام وتحلف بالمسيحيه
ولي عقيده مابتتفات وديني كمان عزيز ليا

في حاجه عايز اقولها وفي كتيرين ما عارفنها
اول حاجه الاغنية دي اغنية قديمة وحقت الفنان المبدع محمد كرم الله فنان الطمبور المشهور باغنية الطيف
حتى الطيف رحل خلاني ماطيب لي خاطر
يما النوم ابى وجافاني واصبح داجي ساهر
وعاطف السماني اعاد تلحينها واشتهر بها في الآونة الاخيرة لكنها مسجله في الاذاعة بصوت الفنان محمد كرم الله بلحنها الاول
وهذا مالزم توضيحه
وشكراً
[/size]

الأغنية جميلة حتي و لو كانت قديمة للزول البعرف الفن والغناء

الله الله عليك سيدا والله

شكرا

مره والنسوان وره

زائر

حرام يا جيري حراااام . دي اجمل اغنية انا بريدها . بدل ما تشكره تقول القلتو دا . شكرررا يا عصوووم

والله العظيم دي الحقيقه ولا شكر على واجب