مدارس الاندلس - كوستي

اهلا وسهلا بك يا زائر في منتديات مدارس الاندلس
 
الرئيسيةاليوميةبحـثالتسجيلدخولالاندلس تيوبتابعنا ع الفيس بوك
شمس الاندلس تشرق من جديد

شاطر | 
 

 شعـــــــــــــــــــر ندى

اذهب الى الأسفل 
كاتب الموضوعرسالة
konvict
عضو فعال
عضو فعال
avatar

عدد المساهمات : 42
تاريخ التسجيل : 10/05/2010
العمر : 24
الموقع : كوستي

مُساهمةموضوع: شعـــــــــــــــــــر ندى   الأربعاء يوليو 14, 2010 12:04 am

نـــــــــــــــــــــــــدى



قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!






يكون ده شنو ؟؟؟


هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موضه



دنيا غريبة


ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عي(محجوب) قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات


الزمن الضائع


متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع



ولاد مايعين
ولاد صايعين
قميص رقاش
وقاش حشاش
جسيم ناعم
ممسح ديمة بالفازلين
وحس مخفوض ولين ..لين
حناكيش والله .. ما ناقشين
بياكلوا الجبنه بالبيرجر
والمايونيز ملخبط فيهو حب التين
معلق جدول التسمين
ووكت ما يجوك ..متلمين
تقيف محتار..
تقول يا ناس
ديلا رجال..؟ ولا عوين.؟
هه يا الخيبه.. وكنت امل
معشش في قلوب اهلك
وزي المويه ليك راجيين
طلعت فشوش...
دهب مغشوش..
وما بتنفع..
لا بجنيه..لا طراده ..لا ملين!
منو القال ليك دروب العزه
كان ركبوها بالفيسبا
والبازوكه والفازلين..
منو القال ليك سيوف ال
الرجوع الى أعلى الصفحة اذهب الى الأسفل
احمد بشير
عضو فعال
عضو فعال
avatar

عدد المساهمات : 56
تاريخ التسجيل : 26/06/2010
العمر : 24
الموقع : كوستي

مُساهمةموضوع: رد: شعـــــــــــــــــــر ندى   الأربعاء يوليو 14, 2010 12:11 am

ها ها ها ها
الرجوع الى أعلى الصفحة اذهب الى الأسفل
konvict
عضو فعال
عضو فعال
avatar

عدد المساهمات : 42
تاريخ التسجيل : 10/05/2010
العمر : 24
الموقع : كوستي

مُساهمةموضوع: رد: شعـــــــــــــــــــر ندى   الأربعاء يوليو 14, 2010 12:15 am

هاهاهاها تضحك , مافي داعي طيـــــــــــــــــــــــب
الرجوع الى أعلى الصفحة اذهب الى الأسفل
konvict
عضو فعال
عضو فعال
avatar

عدد المساهمات : 42
تاريخ التسجيل : 10/05/2010
العمر : 24
الموقع : كوستي

مُساهمةموضوع: رد: شعـــــــــــــــــــر ندى   الأربعاء يوليو 14, 2010 1:02 am

داشعـــــــــــــــــــــــر في قوقل مامقصود بيهو زول بس عجبني
الرجوع الى أعلى الصفحة اذهب الى الأسفل
Alz3eem
Super Dseinger
Super Dseinger
avatar

عدد المساهمات : 330
تاريخ التسجيل : 12/01/2010
الموقع : كوستي 28

مُساهمةموضوع: رد: شعـــــــــــــــــــر ندى   الأربعاء يوليو 14, 2010 1:17 am

GOOOOOOOOOOOD


********************************************
الرجوع الى أعلى الصفحة اذهب الى الأسفل
 
شعـــــــــــــــــــر ندى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدارس الاندلس - كوستي :: المكتبة :: مكتبة الصوتيات-
انتقل الى: